Domske so lěta 1788 natwari. W nim bydlachu tehdy kublerjo a swójbni. Domske, tohorunja z pomocu zarjada za noworjadowanje wsow podpěrane, dósta nowu fasadu. Z wuporjedźenjom a ponowjenjom wostanje třěcha originalnje kryta. Tykowany twar a wokna su zdźěla ponowjene.

W přizemju nasta zhromadna přebywarnja, kotraž so tohorunja za mjeńše swjedźenje (25 wosobow) hodźi (podružne pjenjezy na naprašowanje). Pódla su kuchnja, skład a nuzniki, kotrež móža wopytowarjo wužiwać.