Naš statok Domske Bróžnja Hródź Konjenc Natwar statoka Wokolina Nowosće Kontakt
 
 
hródź
 
 
 

Hródź bu 1786 natwarjena. Přizemjo wužiwachu něhdy
jako hródź a kurjenc. Tež za plahowanje hołbjow bě tam městno.

Z podpĕru zarjada za noworjadowanje wsow dόsta hrόdź nowe kόzły. Třĕcha je z originalnymi cyhelemi znowa zakryta. Z dwora je natwarjena pawlača (podest) ze schodom.

W jednym dźělu na prěnim poschodźe nasta kuchnja,
w tamnym wjetša žurla – tak mjenowana synowa łubja –
za něhdźe 80 ludźi, na kotrejž móžeće swójbne swjedźenje a kwasy swjećić (podruž na naprašowanje).

Dokelž so na statoku hdys a hdys dworowe swjedźenje wotmĕwaja, nasta w přizemju twara sanitarna připrawa
z nuznikami. Swjedźenje maja rozdźělny charakter, předewšĕm pak słuža wone pěstowanju hornjo- a delnjo- serbskeje kaž wšeje słowjanskeje kultury.

 

folklorna rejwanska skupina rejuje před hródźu

Na 2. poschodźe je zhromadna přebywarnja za hač do 11 wosobow (skupiny hač do 30 wosobow su na naprašowanje tohorunja móžne). Na něhdźe 180 m² bydlenskeje přestrjenje su 2 spanskej rumnosći, 2 kupjeli a stwa z WLAN-telewizorom. Kuchnja je na 1. poschodźe.

Přijomna a spodobna atmosfera zaruča dobre wočerstwjenje.
Podruž za přebywarnju wučinja 120 eurow na nóc (njewotwisnje wot ličby hosći). Poćehnjenja (á 3 eura), trjenja (á 1 euro) a dušowanske trjenja (á 2 euraj) hodźa so wupožčić.

 

  Bifej w kuchni žurle swójbny swjedźeń na žurli


  © 2017 D-SoundZ Studios  
startowa strona